శ్రీకాంత్ తనయుడు రోషన్ హీరోగా తెరకెక్కిన తాజా చిత్రం ‘ఛాంపియన్’. అనస్వర రాజన్ హీరోయిన్గా నటించిన ఈ సినిమా పీరియాడికల్ స్పోర్ట్స్ యాక్షన్ డ్రామాగా రూపొందింది. యువతను ఆకట్టుకునే కథాంశంతో పాటు, భావోద్వేగాలు, క్రీడా స్ఫూర్తిని మేళవించి దర్శకుడు ప్రదీప్ అద్వైతం ఈ చిత్రాన్ని తెరకెక్కించారు. రోషన్కు ఇది కీలకమైన సినిమా కావడంతో, ఆయనపై ప్రేక్షకుల్లో ఆసక్తి నెలకొంది.
ఈ చిత్రం క్రిస్మస్ కానుకగా డిసెంబరు 25న థియేటర్లలో విడుదలకు సిద్ధమవుతోంది. విడుదల తేదీ దగ్గరపడుతున్న నేపథ్యంలో ప్రమోషన్లను వేగవంతం చేసిన చిత్ర బృందం, తాజాగా రిలీజ్ చేసిన టీజర్కు మంచి స్పందన లభిస్తోంది. ముఖ్యంగా యూత్తో పాటు కుటుంబ ప్రేక్షకులను కూడా ఆకట్టుకునే అంశాలు ఇందులో ఉన్నాయని టీజర్ చూస్తే అర్థమవుతోంది.
‘సెలబ్రేషన్ ఆఫ్ ఛాంపియన్’ అంటూ ఈ మూవీ రిలీజ్ టీజర్ను జూనియర్ ఎన్టీఆర్ విడుదల చేయడం విశేషంగా మారింది. ఎన్టీఆర్ చేతుల మీదుగా టీజర్ విడుదల కావడంతో సినిమాపై మరింత హైప్ ఏర్పడింది. ఎన్టీఆర్ ప్రోత్సాహం రోషన్కు పెద్ద బలం కావడంతో పాటు, ఈ సినిమా స్థాయిని కూడా పెంచిందనే అభిప్రాయం వ్యక్తమవుతోంది.
టీజర్లో రోషన్ చెప్పిన “ఇన్ని ఊర్లు ఉండగా.. ఈ ఊర్లోనే పడలా” అనే డైలాగ్ ప్రేక్షకులను బాగా ఆకట్టుకుంటోంది. ఆ డైలాగ్లోని భావం, నేపథ్య సంగీతం, విజువల్స్ కలిసి కథపై ఆసక్తిని పెంచుతున్నాయి. స్పోర్ట్స్ నేపథ్యంలో వచ్చే పోరాటాలు, భావోద్వేగ సన్నివేశాలు సినిమాకు ప్రధాన ఆకర్షణగా నిలవనున్నట్లు తెలుస్తోంది.
మొత్తానికి ‘ఛాంపియన్’ సినిమా రోషన్ కెరీర్లో ఓ మైలురాయిగా నిలవనుందని సినీ వర్గాలు భావిస్తున్నాయి. క్రీడా స్ఫూర్తి, యాక్షన్, ఎమోషన్ల మేళవింపుతో రూపొందిన ఈ చిత్రం ప్రేక్షకులకు కొత్త అనుభూతిని అందించనుంది. క్రిస్మస్ సెలవుల్లో థియేటర్లలో సందడి చేయడానికి ‘ఛాంపియన్’ సిద్ధంగా ఉందని చెప్పొచ్చు.
