తెలుగు సినీ ప్రేక్షకుల్లో ఆసక్తి రేపిన చిత్రం ‘కింగ్డమ్’ ఇప్పుడు విడుదలకు సిద్ధంగా ఉంది. విజయ్ దేవరకొండ ప్రధాన పాత్రలో నటిస్తున్న ఈ చిత్రాన్ని గౌతమ్ తిన్ననూరి తెరకెక్కిస్తున్నారు. ఇందులో భాగ్యశ్రీ బోర్సే, సత్యదేవ్, వెంకటేష్ కీలక పాత్రల్లో కనిపించనున్నారు. ఈ సినిమా శ్రీకర స్టూడియోస్ సమర్పణలో సితార ఎంటర్టైన్మెంట్స్ మరియు ఫార్చూన్ ఫోర్ సినిమాస్ బ్యానర్లపై సూర్యదేవర నాగ వంశీ, సాయి సౌజన్య నిర్మిస్తున్నారు. సంగీతాన్ని రాక్ స్టార్ అనిరుధ్ రవిచందర్ అందించడం మరో హైలైట్.
ఈ సినిమా జులై 31న ప్రపంచవ్యాప్తంగా ప్రేక్షకుల ముందుకు రానుంది. విడుదల తేదీ దగ్గర పడటంతో ప్రమోషన్ కార్యక్రమాలు ఊపందుకున్నాయి. కింగ్డమ్ చిత్రబృందం తాజాగా ఏపీ డిప్యూటీ సీఎం పవన్ కళ్యాణ్ను కలిశారు. ఆయన ప్రస్తుతం హరీష్ శంకర్ దర్శకత్వంలో తెరకెక్కుతున్న ‘ఉస్తాద్ భగత్ సింగ్’ సినిమా షూటింగ్లో ఉన్న సమయంలో కింగ్డమ్ టీమ్ ఆయన్ని కలిసింది. ఈ సందర్భంగా పవన్ కళ్యాణ్ వారికి శుభాకాంక్షలు తెలిపారు.
విజయ్ దేవరకొండ, భాగ్యశ్రీ బోర్సే, నిర్మాత నాగ వంశీ ఈ సందర్భంగా పవన్ను కలిసారు. సినిమా విజయం సాధించాలని పవన్ కళ్యాణ్ ఆకాంక్షించారు. ఈ సమావేశానికి సంబంధించిన ఫోటోలు సోషల్ మీడియాలో వైరల్గా మారాయి. అభిమానుల మధ్య ఆసక్తికర చర్చలకు దారితీశాయి. పవన్ కళ్యాణ్ అభిమానులు ఈ ఫొటోలను పెద్ద ఎత్తున షేర్ చేస్తున్నారు.
విజయ్ దేవరకొండ నటనతో పాటు, గౌతమ్ తిన్ననూరి దర్శకత్వంలో వస్తున్న కింగ్డమ్ చిత్రం ప్రేక్షకుల్లో భారీ అంచనాలు పెంచింది. ఇప్పటికే విడుదలైన టీజర్లు, పాటలు సినిమాపై హైప్ను పెంచాయి. అనిరుధ్ సంగీతం, గౌతమ్ టేకింగ్ ఈ సినిమాకు పెద్ద ప్లస్ కానున్నాయి. ఈ సినిమా విజయవంతమైతే విజయ్ కెరీర్లో మరో మైలురాయిగా నిలవనుంది.
ఇక పవన్ కళ్యాణ్ తన సినిమాల షెడ్యూల్ మధ్యలో కూడా ఈ మూవీ టీమ్ను కలవడం, శుభాకాంక్షలు చెప్పడం సినిమా ప్రమోషన్కు మరింత బలం ఇచ్చింది. రేపు విడుదలయ్యే ఈ సినిమా విజయంపై సినీ వర్గాల్లో, ప్రేక్షకుల్లో ఉత్కంఠ నెలకొంది. ‘కింగ్డమ్’ నిజంగా ఆ అంచనాలను అందుకుంటుందా అన్నది చూడాల్సి ఉంది.
