మెగాస్టార్ చిరంజీవి కెరీర్లో అత్యంత ప్రతిష్టాత్మకంగా తెరకెక్కుతున్న చిత్రం విశ్వంభర. భారీ స్థాయిలో రూపొందుతున్న ఈ సినిమా చిరంజీవిని పూర్తిగా కొత్త అవతారంలో చూపించబోతోందనే అంచనాలు మొదటి నుంచే ఉన్నాయి. ఫాంటసీ, మిథాలజీ టచ్తో రూపొందుతున్న ఈ చిత్రం తెలుగు సినీ పరిశ్రమలో కొత్త ప్రమాణాలను నెలకొల్పుతుందని అభిమానులు ఆశిస్తున్నారు. చిరంజీవి అభిమానులకు ఈ సినిమా ఒక విజువల్ ట్రీట్గా నిలవనుందన్న మాట.
ఈ చిత్రంలో హీరోయిన్గా త్రిష నటిస్తున్నారు. చిరంజీవి–త్రిష కాంబినేషన్ తెరపై మరోసారి మ్యాజిక్ చేయనుందన్న నమ్మకం ప్రేక్షకుల్లో ఉంది. వీరిద్దరి మధ్య వచ్చే సన్నివేశాలు సినిమాకు ప్రధాన ఆకర్షణగా నిలుస్తాయని యూనిట్ వర్గాలు చెబుతున్నాయి. త్రిష పాత్ర కూడా కథలో కీలక మలుపులు తిప్పేలా ఉంటుందని సమాచారం.
సినిమాకు సంగీతం అందిస్తున్నది ఆస్కార్ విజేత ఎం.ఎం. కీరవాణి. ఆయన అందించే నేపథ్య సంగీతం, పాటలు సినిమాకు మరో ప్రత్యేకతగా నిలవనున్నాయి. ఫాంటసీ జానర్కు తగ్గట్లుగా సంగీతాన్ని రూపొందిస్తున్నారని, ఇప్పటికే రికార్డింగ్ పనులు ప్రేక్షకులను ఆశ్చర్యపరచే స్థాయిలో ఉన్నాయని టాక్ వినిపిస్తోంది. కీరవాణి–చిరంజీవి కలయిక మరోసారి చరిత్ర సృష్టిస్తుందనే నమ్మకం బలంగా ఉంది.
‘బింబిసార’ ఫేమ్ వశిష్ఠ దర్శకత్వంలో తెరకెక్కుతున్న ఈ చిత్రం షూటింగ్ ఇప్పటికే పూర్తయింది. అయితే భారీ స్థాయిలో వాడిన విజువల్ ఎఫెక్ట్స్ (VFX) కారణంగా పోస్ట్ ప్రొడక్షన్ పనులు ఎక్కువ సమయం తీసుకుంటున్నాయి. గతంలో విడుదలైన టీజర్పై మిశ్రమ స్పందనలు రావడంతో, యూనిట్ చాలా జాగ్రత్తగా సీజీ వర్క్ను మళ్లీ రీ-వర్క్ చేస్తోంది. నాణ్యతలో ఎలాంటి రాజీ పడకుండా సినిమాను ప్రేక్షకుల ముందుకు తీసుకురావాలనే లక్ష్యంతో టీమ్ పనిచేస్తోంది.
ఇటీవల ‘కపుల్ ఫ్రెండ్లీ’ సినిమా ప్రమోషన్లలో పాల్గొన్న నిర్మాత ధీరజ్ మొగిలినేని ‘విశ్వంభర’ గురించి కీలక అప్డేట్ ఇచ్చారు. ట్రైలర్ ఇప్పటికే సిద్ధమైందని, సరైన సమయాన్ని చూసి గ్రాండ్గా విడుదల చేయనున్నామని తెలిపారు. ఈ అప్డేట్తో మెగాస్టార్ అభిమానుల్లో ఉత్సాహం రెట్టింపైంది. ట్రైలర్తోనే సినిమా స్థాయి ఏంటో స్పష్టమవుతుందని, ‘విశ్వంభర’ తెలుగు సినిమాను మరో స్థాయికి తీసుకెళ్తుందనే నమ్మకం బలపడుతోంది.
