విజయ్ దేవరకొండ ‘కింగ్డమ్’ సినిమాతో రెడీ అవుతున్నారు
రౌడీ స్టార్ విజయ్ దేవరకొండ ‘కింగ్డమ్’ సినిమాతో రెడీ అవుతున్నారు. ఈ సమ్మర్ కానుకగా మే 30న విడుదల కాబోతుంది. గౌతమ్ తిన్ననూరి దర్శకత్వంలో నాగవంశీ సితార ఎంటర్‌టైన్‌మెంట్స్ బ్యానర్‌లో నిర్మిస్తున్నారు. కింగ్డమ్ సినిమా టీజర్‌కి మంచి స్పందన వచ్చింది. ఎన్టీఆర్‌ వాయిస్ ఓవర్‌తో విడుదలైన టీజర్ తక్కువ సమయంలోనే అత్యధిక వ్యూస్‌ను సొంతం చేసుకుంది. తమిళ్‌లో సూర్య, హిందీలో రణబీర్ కపూర్‌ వాయిస్ ఇవ్వడంతో సినిమాపై ఆయా భాషల్లోనూ అంచనాలు, ఆసక్తి పెరిగాయి. అంచనాలకు ఏమాత్రం తగ్గకుండా దర్శకుడు ఈ సినిమా రూపొందిస్తున్నారని టీజర్‌ని చూస్తేనే అర్థం అయింది. గౌతమ్ తిన్ననూరి స్టైల్‌ కేజీఎఫ్ సినిమా అంటూ నిర్మాత నాగవంశీ చెబుతూ ఉన్నారు.
విజయ్ దేవరకొండ తదుపరి సినిమాలు
‘కింగ్డమ్’ సినిమా తర్వాత విజయ్ దేవరకొండ సినిమాలు ఇప్పటికే రెండు కన్ఫర్మ్‌ అయ్యాయి. ట్యాక్సీవాలా దర్శకుడు రాహుల్ సంకృత్యాన్ దర్శకత్వంలో విజయ్ దేవరకొండ సినిమా త్వరలో ప్రారంభం కాబోతుంది. ఇప్పటికే సినిమాకు సంబంధించిన ప్రీ ప్రొడక్షన్‌ వర్క్ ప్రారంభం అయింది. కింగ్డమ్ కారణంగా రాహుల్ సంకృత్యాన్ వెయిటింగ్‌లో ఉన్నారు. త్వరలోనే సినిమా సెట్స్‌ పైకి వెళ్లే అవకాశాలు ఉన్నాయి. ఇదే సమయంలో రవి కిరణ్ కోలా దర్శకత్వంలోనూ ఒక సినిమాను విజయ్ దేవరకొండ చేసేందుకు ఓకే చెప్పారు. ఆ సినిమాకు సంబంధించిన ప్రీ ప్రొడక్షన్‌ వర్క్ జరుగుతున్నట్లు సమాచారం అందుతోంది.
హిందీ సినిమాకు గ్రీన్ సిగ్నల్ ఇచ్చిన విజయ్ దేవరకొండ
రాహుల్ సంకృత్యాన్, రవి కిరణ్ కోలాలతో ఇంకా సినిమాల షూటింగ్‌ ప్రారంభం కాకుండానే విజయ్ దేవరకొండ మరో సినిమాకు గ్రీన్ సిగ్నల్ ఇచ్చారు. అయితే ఈసారి తెలుగులో కాకుండా విజయ్ దేవరకొండ హిందీ సినిమాకు ఓకే చెప్పారు. కిల్ సినిమాతో దర్శకుడిగా విమర్శకుల ప్రశంసలు దక్కించుకోవడంతో పాటు, కమర్షియల్‌గా బిగ్ సక్సెస్‌ను సొంతం చేసుకున్న దర్శకుడు నిఖిల్ నగేష్ భట్‌ దర్శకత్వంలో విజయ్ దేవరకొండ సినిమాను చేయబోతున్నారు. వీరిద్దరి కాంబోలో మూవీని బాలీవుడ్ ప్రముఖ ఫిల్మ్‌ మేకర్ కరణ్ జోహార్‌ నిర్మించబోతున్నారు. లైగర్‌ సమయంలోనే విజయ్ దేవరకొండతో కరణ్ జోహార్‌ ఒక సినిమాను చేసేందుకు ఒప్పందం కుదుర్చుకున్నారట. ఇన్నాళ్లు మంచి కథ కోసం వెయిట్‌ చేసి, ఎట్టకేలకు నిఖిల్ నగేష్ భట్‌ దర్శకత్వంలో సినిమాకు రెడీ అవుతున్నారు.
బాలీవుడ్‌లో విజయ్ దేవరకొండ క్రేజ్ బాలీవుడ్‌లో విజయ్ దేవరకొండ నటించిన సినిమాలు ఇప్పటి వరకు పెద్దగా విజయాలను సొంతం చేసుకోలేదు. అయినా రౌడీ స్టార్‌కి బాలీవుడ్‌లో మంచి క్రేజ్ ఉంది. ఆయన ఒక మంచి హిందీ సినిమాలో నటిస్తే కచ్చితంగా వందల కోట్ల వసూళ్లు నమోదు అవుతాయనే నమ్మకంను అక్కడి బాక్సాఫీస్ వర్గాల వారు వ్యక్తం చేస్తున్నారు. అందుకే విజయ్ దేవరకొండ సైతం హిందీ సినిమాకు గ్రీన్ సిగ్నల్ ఇచ్చారు. ఎంతో మంది యంగ్‌ హీరోలు కరణ్ జోహార్‌ బ్యానర్‌లో పరిచయం అయ్యి స్టార్స్‌గా వెలుగు వెలుగుతున్నారు. అందుకే విజయ్ దేవరకొండ మొదటి బాలీవుడ్ మూవీ కరణ్ జోహార్‌ బ్యానర్‌లో కావడంతో అందరి దృష్టిని ఆకర్షించే అవకాశాలు ఉన్నాయి. విజయ్ దేవరకొండ, నిఖిల్ నగేష్ భట్‌ కాంబో మూవీ వచ్చే ఏడాది ఆరంభంలో పట్టాలెక్కి వచ్చే ఏడాదిలోనే విడుదల అయ్యే అవకాశాలు ఉన్నాయని తెలుస్తోంది. త్వరలోనే ఈ సినిమాకు సంబంధించిన అధికారిక ప్రకటన వస్తుందేమో చూడాలి.
