సంక్రాంతికి విడుదలైన సంక్రాంతికి వస్తున్నాం సినిమాతో భారీ విజయాన్ని సొంతం చేసుకున్న అనిల్ రావిపూడి ఇప్పుడు మెగాస్టార్ చిరంజీవితో కలిసి ఓ పాన్ ఇండియా స్థాయిలో సినిమా రూపొందిస్తున్నాడు. ఈ సినిమా ఫ్యామిలీ, కామెడీ, యాక్షన్ అంశాలతో మిళితమైన ఎంటర్టైనర్గా తెరకెక్కనుంది. ప్రస్తుతం ఈ సినిమా ప్రీ ప్రొడక్షన్ పనులు జోరుగా సాగుతున్నాయి. అనిల్ రీసెంట్గా ఎన్టీవీకి ఇచ్చిన ఇంటర్వ్యూలో సినిమా మరియు తన టీవీ ప్రయాణం గురించి పలు ఆసక్తికర విషయాలను వెల్లడించాడు.
ఈ ఇంటర్వ్యూలో మెగాస్టార్ చిరంజీవితో చేసే సినిమా గురించి మాట్లాడుతూ అనిల్, ఇది అన్ని వయసుల ప్రేక్షకులను ఆకట్టుకునేలా రూపొందించబోతున్నట్లు తెలిపారు. చిరంజీవి ఎనర్జీతో పని చేయడం ఒక గొప్ప అనుభవమని చెప్పారు. ఆయన పని తీరును చూస్తే, ప్రతి టేక్కూ ఎలాంటి శ్రద్ధ చూపుతారో తెలిసిపోతుందన్నారు. సినిమా స్థాయి, సెట్ డిజైన్లు, కథ మొత్తం చాలా గ్రాండ్గా ఉండబోతున్నాయని ఆయన స్పష్టం చేశారు.
అయితే సినిమాలో వెంకటేష్ పాత్ర కూడా ఉందనే వార్తలపై స్పందిస్తూ అనిల్, “ఇప్పుడు ఏదైనా మాట్లాడటం చాలా ఎర్లీ అవుతుంది. నేను చెప్పినా, చెప్పకపోయినా ఊహాగానాలే వస్తాయి. కాబట్టి తగిన సమయంలో చెబుతాం” అంటూ దానిపై వివరాలు చెప్పేందుకు దాటవేశారు. కానీ వర్గాల సమాచారం ప్రకారం, వెంకటేష్ పాత్ర సినిమాలో కీలకం అని తెలుస్తోందిడ్రామా జూనియర్స్ ప్రోగ్రాం గురించి అనిల్ మాట్లాడుతూ, చిన్నారులలోని టాలెంట్ చూసి ఆశ్చర్యపోతున్నానన్నారు. వారు చూపించే నటనా నైపుణ్యం, ఎనర్జీ చూస్తే తనకే మోటివేషన్ వస్తోందని చెప్పారు. ఈ షో ద్వారా తాను కూడా దర్శకుడిగా కొత్త కోణాల్లో నేర్చుకుంటున్నానని తెలిపారు.
మొత్తానికి అనిల్ రావిపూడి ఈ మధ్య కాలంలో సినీ ఇండస్ట్రీలో మరియు టీవీ ప్రపంచంలో తనదైన ముద్ర వేస్తున్నాడు. మెగాస్టార్తో చేస్తున్న ప్రాజెక్ట్పై భారీ అంచనాలుండగా, అభిమానులు ఈ కాంబినేషన్ చూడడానికి ఎంతో ఉత్సాహంగా ఎదురుచూస్తున్నారు.
