మెగా సుప్రీం హీరో సాయి ధరమ్ తేజ్ తాజా చిత్రం ‘సంబరాల ఏటిగట్టు’ (SYG) షూటింగ్ ప్రస్తుతం ఊహించని స్థాయిలో జరుగుతోంది. తాజాగా, చిత్రబృందం ఓ భారీ పాటను చిత్రీకరించేందుకు సిద్ధమైంది, ఇందులో 1000 మంది డాన్సర్లు పాల్గొనబోతున్నారు. సినిమా స్టాండర్డ్స్ పెరుగుతున్న ఈ రోజుల్లో, మేకర్స్ విజువల్ గ్రాండ్‌నెస్ కోసం ఎలాంటి ప్రయత్నాలు చేస్తున్నారనేది ఈ సినిమాతో స్పష్టమవుతోంది.
పాన్-ఇండియా ట్రెండ్ ప్రారంభమైన తర్వాత, సినిమా మేకర్స్ గ్రాండ్ ప్రొడక్షన్ వాల్యూస్‌పై ఎక్కువ దృష్టి సారిస్తున్నారు. ప్రత్యేకంగా పాటల విషయంలో, లావిష్ సెట్స్, భారీ సంఖ్యలో డాన్సర్లు, మెస్మరైజింగ్ విజువల్స్‌తో పాటలను రూపొందించడం సాధారణమైపోయింది. సాధారణంగా సినిమాల్లో పది నుండి ఇరవై మంది డాన్సర్లు మాత్రమే పాల్గొనగా, కొన్నిసార్లు వంద మంది వరకు డ్యాన్స్ చేయడం చూస్తూనే ఉన్నాం. కానీ, 1000 మంది డ్యాన్సర్లతో ఒక పాట చిత్రీకరించడమనేది ఇండస్ట్రీలో ఇప్పుడు హాట్ టాపిక్‌గా మారింది.
సాయి ధరమ్ తేజ్, ‘సంబరాల ఏటిగట్టు’లో తనను తాను కొత్తగా మలుచుకున్నాడు. 1947 హిస్టారికల్ బ్యాక్‌డ్రాప్‌లో రూపొందుతున్న ఈ సినిమా, 125 కోట్ల భారీ బడ్జెట్‌తో నిర్మితమవుతోంది. నిరంజన్ రెడ్డి, చైతన్య రెడ్డి సంయుక్తంగా ఈ చిత్రాన్ని నిర్మిస్తున్నారు. ఇప్పటివరకు 65% షూటింగ్ పూర్తవగా, యాక్షన్ ఎపిసోడ్స్, మాస్ ఎలిమెంట్స్ ఈ సినిమాను పాన్-ఇండియా స్థాయిలో నిలబెట్టనున్నాయి.
ఈ సినిమాలో దినేష్ మాస్టర్ కొరియోగ్రఫీలో ఒక లావిష్ మాస్ సాంగ్ చిత్రీకరించబడుతోంది. 1000 మంది డ్యాన్సర్లు పాల్గొనడం ఈ పాటను మరింత స్పెషల్‌గా మార్చనుంది. బాలీవుడ్, టాలీవుడ్ స్థాయిలో ఇంత భారీ స్థాయిలో సాంగ్ చిత్రీకరణ జరగడం అరుదుగా జరుగుతుంది. ఈ పాట కోసం ప్రత్యేకంగా భారీ సెట్స్ నిర్మించబడగా, దానికి సరిపోయేలా ఖర్చు పెట్టిన బడ్జెట్ ప్రస్తుతం ఫిల్మ్ నగర్‌లో హాట్ టాపిక్‌గా మారింది.
సెప్టెంబర్ 25న విడుదల మరెన్ని వండర్స్ క్రియేట్ చేస్తుందో ఇప్పటికే యాక్షన్ పార్ట్, గ్రాండ్ పాటల చిత్రీకరణతో సినిమాపై భారీ అంచనాలు ఏర్పడ్డాయి. సెప్టెంబర్ 25న థియేటర్లలో సందడి చేయనున్న ఈ చిత్రం, విడుదలకు ముందే భారీ హైప్‌ను సొంతం చేసుకుంది. సాయి ధరమ్ తేజ్ మాస్ డాన్స్, పవర్‌ఫుల్ యాక్షన్ ఎలిమెంట్స్ కలిపిన ఈ సినిమా ఇంకెన్ని సంచలనాలు సృష్టిస్తుందో చూడాలి
