ప్రేమను మళ్లీ గుర్తు చేసే ఆ మాయాజాలం మళ్లీ మన ముందుకు రానుంది!
దీనితో కోట్లాది ప్రేక్షకుల హృదయాల్లో చెరగని ముద్ర వేసిన చిత్రం 3Movie ఫిబ్రవరి 2026లో థియేటర్లలో 4K క్వాలిటీలో రీ-రిలీజ్ కానుంది. ఈ చిత్రాన్ని @MangoMassMedia ఎంతో శ్రద్ధగా పునరుద్ధరించి ప్రేక్షకులకు కొత్తగా, అందంగా అందించేందుకు సిద్ధమవుతోంది.
ధనుష్ మరియు శృతి హాసన్ జంటగా నటించిన ఈ చిత్రం ప్రేమ, వేదన, త్యాగం, భావోద్వేగాల మేళవింపుతో ఒక అందమైన కథగా నిలిచింది. ప్రత్యేకంగా అనిరుధ్ సంగీతం ఈ చిత్రానికి హృదయాన్ని ఇచ్చినట్టుగా భావిస్తారు. “వై దిస్ కొలవెరి డి” పాటతో ఈ సినిమా ప్రపంచవ్యాప్తంగా సంచలనం సృష్టించింది.
ఈ సినిమాతో ధనుష్ నటనలోని లోతు, శృతి హాసన్ నటనలోని మాధుర్యం ప్రేక్షకులను మంత్ర ముగ్ధులను చేశాయి. దాంపత్య ప్రేమలోని ఆనందం, విడిపోవడంలో ఉన్న బాధలను అత్యంత సున్నితంగా చూపించిన ఈ సినిమా, మళ్లీ రీ-రిలీజ్ అవుతుండటంతో అభిమానుల్లో ఆనందం వెల్లివిరుస్తోంది.
నట్టి కాంతి, కరుణ నట్టి సమర్పణలో విడుదల కాబోతున్న ఈ 3Movie4K, కొత్త తరం ప్రేక్షకులకు కూడా ప్రేమ అంటే ఏమిటి, హృదయానుభూతి అంటే ఏమిటి అనే భావాలను చేరువ చేయనుంది. పెద్ద తెరపై కొత్త విజువల్ క్వాలిటీతో చూడటానికి అభిమానులు ఆసక్తిగా ఎదురుచూస్తున్నారు.
మొదటిసారి చూసినప్పుడు కంటతడి పెట్టించిన ఈ ప్రేమకథ, ఇప్పుడు కొత్తగా మళ్లీ మన మనసులను తాకబోతోంది. ప్రేమను మరోసారి స్మరించుకుందాం, ఆ భావోద్వేగాలను తిరిగి ఆస్వాదిద్దాం!
