ప్రజా సమస్యల పరిష్కారంలో ముందుండే నారా లోకేష్ మరోసారి తన మానవత్వాన్ని చాటుకున్నారు. ఇటీవల నెల్లూరులో భిక్షాటన చేస్తున్న ఇద్దరు చిన్నారుల బాధను విని వెంటనే స్పందించి ఉదారత చూపించారు. చదువుకోవాలన్న వారి కలను గౌరవించి, అన్ని విధాల సహాయం అందిస్తామని హామీ ఇచ్చారు. లోకేష్ స్పందన చిన్నారులకు నూతన ఆశను కలిగించింది.
నెల్లూరు వీఆర్ స్కూలు వద్ద భిక్షాటన చేస్తున్న పెంచలయ్య, వెంకటేశ్వర్లు అనే చిన్నారులు అధికారులను చూస్తూ “మాకు చదువు చెప్పించండి సారూ!” అని వేడుకున్న వీడియో వైరల్ కావడంతో ఇది మంత్రి లోకేష్ దృష్టికి వెళ్లింది. వెంటనే స్పందించిన లోకేష్, “ఈ సంఘటన నాకు కదిలించింది. ఆ చిన్నారుల చదువు కోసం అవసరమైన ఏర్పాట్లన్నీ చేయాలని అధికారులను ఆదేశించాను” అని తెలిపారు. విద్యే పేదరికం నుంచి బయటపడే మార్గమని, ఈ పిల్లలు తమ లక్ష్యాలను చేరుకునేలా అండగా నిలుస్తామని చెప్పారు.
ఇక మరోవైపు అంబేద్కర్ కోనసీమకు చెందిన వెంకటరామ శ్రీకాంత్ అనే వ్యక్తి అనారోగ్యంతో పడకపై ఉన్నాడు. రోజువారీ కూలీగా జీవించే శ్రీకాంత్ కుటుంబ పరిస్థితి విషమంగా మారింది. చికిత్సకు భారీ ఖర్చు అవుతుందని తెలిసి, ఆ కుటుంబం చివరి ఆశగా లోకేష్‌ను ఆశ్రయించింది. ఓ సామాజిక మాధ్యమ వేదిక ద్వారా జరిగిన విన్నవికి వెంటనే స్పందించిన లోకేష్ సత్వర సహాయం అందిస్తానని హామీ ఇచ్చారు.
ఇలాంటి ఉదాహరణలు చూపిస్తూ నారా లోకేష్ ప్రజల మనసుల్లో ఒక బాధ్యతగల నాయకుడిగా నిలుస్తున్నారు. ప్రజల సమస్యల పట్ల ఆయన చూపుతున్న స్పందన ఆదర్శంగా మారుతోంది. చిన్నారుల విద్యా కలలు, బాధితుల ఆర్థిక కష్టాలకు ఆయన అండగా నిలవడం ప్రశంసనీయం.
