నందమూరి బాలకృష్ణ కథానాయకుడిగా మరో భారీ చిత్రం రూపొందనుంది. ఈ సినిమాకు దర్శకత్వం వహించబోతోన్న వ్యక్తి గోపీచంద్ మలినేని. సోషల్ మీడియా వేదికగా ఈ విషయాన్ని స్వయంగా గోపీచంద్ మలినేనే వెల్లడించారు. బాలయ్యతో తిరిగి పనిచేయాలన్న కోరిక నిజం కావడం ఎంతో ఆనందంగా ఉందని, అభిమానులు ఈ కాంబో నుండి మరోసారి గొప్ప గర్జన ఆశించవచ్చని తెలిపారు.
‘‘గాడ్ ఆఫ్ మాసెస్ బాలకృష్ణతో మళ్లీ సినిమా చేయడం గర్వంగా ఉంది. ఈ సినిమాతో మా కాంబో చేసే గర్జన మరింత శక్తివంతంగా ఉంటుంది. ఇది చరిత్రలో నిలిచిపోయే స్థాయిలో రూపొందబోతోంది’’ అంటూ దర్శకుడు చెప్పిన మాటలు సినిమాపై అంచనాలు పెంచుతున్నాయి. గతంలో వీరిద్దరి కాంబినేషన్‌లో వచ్చిన ‘వీరసింహా రెడ్డి’ చిత్రం మంచి విజయాన్ని సాధించింది.
ఈ కొత్త చిత్రం బాలకృష్ణకు 111వ సినిమా కావడం విశేషం. ఆయన పుట్టినరోజు సందర్భంగా, మంగళవారం ఈ చిత్రాన్ని అధికారికంగా ప్రారంభించనున్నారు. ఈ నేపథ్యంలో అభిమానుల సందడి మొదలైపోయింది. బాలయ్య అభిమానులు ఈ కాంబోను మరోసారి తెరపై చూడాలన్న ఆసక్తితో ఉన్నారు.
ఈ చిత్రాన్ని వెంకట్ సతీష్ కిలారు నిర్మించనున్నారు. ఆయన గతంలో కూడా పలు విజయవంతమైన సినిమాలకు నిర్మాతగా పని చేశారు. భారీ బడ్జెట్‌తో రూపొందనున్న ఈ సినిమా కోసం టెక్నికల్ టీమ్, కథాపరంగా ప్రత్యేకంగా ప్లాన్ చేస్తున్నారు. సినిమాలో నటించబోయే ఇతర పాత్రధారుల వివరాలు త్వరలోనే ప్రకటించనున్నారు.
బాలకృష్ణ, గోపీచంద్ మలినేని కలయికకు మార్కెట్‌లో మంచి క్రేజ్ ఉంది. వీరి కాంబినేషన్ మళ్లీ రాబోతున్న వార్తతో టాలీవుడ్ వర్గాల్లో ఉత్సాహం నెలకొంది. ఈ సినిమా మెయిన్ హైలైట్ ఎమిటో ఇంకా వెల్లడించకపోయినా, అభిమానుల్లో మాత్రం భారీ అంచనాలు ఏర్పడుతున్నాయి.
